ძვირფასო ლუის,

გვსურს გაცნობოთ, რომ შენობაში არსებული ლიფტები და საერთო სარგებლობის ფართები შენობის საერთო ინფრასტრუქტურის ნაწილია, და მათი სარგებლობის წესები განისაზღვრება შენობაში მოქმედი წესებითა და უსაფრთხოების მოთხოვნებით.
შენობის დაშვების კონტროლის სისტემა დანერგილია უსაფრთხოების მიზნით, რათა შეიზღუდოს უნებართვო პირთა უკონტროლო გადაადგილება შენობაში. ეს წესი ვრცელდება ბინის ყველა მესაკუთრეზე.
დაშვების ჩიპები ბინის მესაკუთრეებზე გაიცემოდა და კვლავაც გაიცემა უსასყიდლოდ.
რაც შეეხება თქვენს წერილში აღწერილ კონკრეტულ ინციდენტს, თუ მიიჩნევთ, რომ ფრონტ ოფისის თანამშრომელმა სათანადო დონის მომსახურება არ გაგიწიათ, გთხოვთ, მოგვაწოდოთ თარიღი, დრო და სხვა შესაბამისი დეტალები, რათა საკითხი გამოძიებულ იქნეს (თუმცა, მე თქვენთვის ჩემი სავიზიტო ბარათი და ტელეფონის ნომერიც გადმომიცია, რათა საჭიროების შემთხვევაში პირდაპირ დამკავშირებოდით).
რაც შეეხება განცხადებებს ბატონ საბა ცისკარაძესთან დაკავშირებით, გვსურს განვმარტოთ, რომ ხელმოწერის მოთხოვნა უკავშირდებოდა დაშვების ჩიპის/ჩიპების მიღების დადასტურებას.
არც კომპანია და არც მე არ ვადასტურებთ, რომ რაიმე იძულებას ჰქონდა ადგილი. კომპანია არ ეთანხმება თქვენს წერილში მოხსენიებულ სამართლებრივ შეფასებებს.
ნებისმიერი სამართლებრივი დავა განხილულ უნდა იქნეს კანონით დადგენილი წესით, შესაბამისი ორგანოების წინაშე.
კომპანია მზადაა, გააგრძელოს საკითხის განხილვა პროფესიულ და კონსტრუქციულ ფორმატში.

პატივისცემით,
ლევანი

ლევან ოთარიშვილი
შპს „ნექსთ ჰოსპიტალითის" დირექტორი
მობ.: [ტელეფონის ნომერი დაფარულია]

[სტანდარტული კონფიდენციალურობის შენიშვნა და ვებგვერდის ბმული გამოტოვებულია]

[ციტირებული წინა მიმოწერა გამოტოვებულია]